ती पाकळी फ़ूलाची

वाऱ्याची झुळक माला गंध पांघरून गेली

ती पाकळी फ़ूलाची मज आठवून गेली

पायघड्या पाचोळ्याच्या प्राजक्त शिंपीत होता

चाल माझी त्यावर आडखळून गेली   

ती पाकळी फ़ूलाची मज आठवून गेली

हौद पायथ्याशी तीस साद घालीत होता

ओघळून ती त्यावर, तरंगून त्यात गेली

ती पाकळी फ़ूलाची मज आठवून गेली

दागिना दवबिंदूचा अंगी डळमळत होता

भार त्याचा पेलत ती सावरून गेली

ती पाकळी फ़ूलाची मज आठवून गेली

ढग काळा रूप तिचे झाकोळत एक होता

रवीकिरणाला मोहून  ती बिलगून त्यास गेली

ती पाकळी फ़ूलाची मज आठवून गेली

संकेत कुळकर्णी